Дубоа за мечот со Усик: Одам да ги грабнам шампионските појаси

Британскиот професионален боксер Даниел Дубоа зборуваше за претстојната борба против Александар Усик за шампионската титула во тешка категорија.

„Чувствувам дека сум подобар, освежен и подготвен да го дадам мојот најдобар настап. Веќе сум светски шампион, но чувствувам дека можам да дадам уште повеќе. Сè уште не сум го достигнал својот максимум. Само треба да одам и да ги грабнам овие појаси од Усик“, рече Дубоа.

Првата борба меѓу Усик и Даниел Дубоа се одржа во август 2023 година и заврши со победа на Украинецот со технички нокаут во деветтата рунда. Реваншот ќе се одржи на 19 јули во Лондон на стадионот „Вембли“.