Боксерска федерација на Македонија на Општинскиот сојуз на Битола му го предложи Ален Рустемовски за спортист на годината во Битола за 2024 година.
Од БФМ истакнуваат дека Ален Рустемовски имаше повеќе од успешна 2024 година и гордо го вееше знамето на Македонија. Рустемовски освои златен медал на Балканското првенство за сениори во Лозница, Србија, стана државаен првак, а Федерацијата го прогласи за најуспешен сениор во 2024 година.
Од друга страна, без пораз ја заврши сезоната во Првата бокс лига на Македонија, како и Опен Балкан купот, каде што настапуваат боксери од Македонија, Србија, Албанија и Босна и Херцеговина.
Ален учестуваше и на Европско првенство за сениори во Софија, Бугарија. Потоа освои злато Меѓународниот боксерски турнир Гранд при Загреб, а со сребро се заќити на еден од најсилните турнири во Европа „Белградски победник“ во Белград, на кој учествуваа повеќе од 20 држави.
Освои златен медал и на Меѓународниот турнир „Мирослав Петровиќ“ во Куманово, при што беше прогласен за најдобар боксер на турнирот.
