Ентони Џошуа ќе се бори со Даниел Дубоа за светската титула во тешка категорија на ИБФ на 21 септември на култниот стадион Вембли. Оваа борба е пресудна за Џошуа, кој и покрај веќе импресивната кариера, продолжува да боксира, но не само за себе.
Џошуа боксираше и за луѓето на кои се обидуваше да им помогне. Во едно неодамнешно интервју Џошуа искрено зборуваше за мотивацијата да продолжи со боксот и размислувањата за предизвиците што ги носи Дубоа.
Ентони Џошуа истакна дека ќе треба да биде најдобро, а можеби и подобро, за да го победи Даниел Дубоа. Џошуа покажува голема почит кон противникот и ја препознава важноста на семејството во животот на борецот.
„Веројатно морам да бидам подобар од мојот максимум за да го победам Даниел. Го почитувам како борец. Тој е многу талентиран и можам да ги видам придобивките во неговите луѓе. Мислам дека семејството е важно и игра голема улога, огромна улога. Влијанието што семејствата го имаат врз кариерата на борецот му помага на Даниел на патот.
Сè уште можам да се борам со Вајлдер, зошто да не? Отсекогаш сум велел дека тоа не е толку голем проблем за мене. Ме плаќаат да се борам. Порано се борев бесплатно, всушност многу. Сега земам плата така да не е проблем. Ако ги одземеме силните светла и емоциите, тоа е само борба. Така да, би се борел со Вајлдер.
Да, изненаден сум од подемот на Дубоа. Има некој што верува во него. Затоа тој постојано ги добива овие можности. Ова ме потсетува на приказната на Френк Бруно. Му се даваше можност повторно и повторно да се бори за светската титула. Конечно успеа.
Една од најголемите причини поради кои се борам е мојата заедница. Сакам да се борам за добротворни цели затоа што сакам да создадам одржливи добротворни организации. Верувам во одржливост и создавање систем. Повеќе не се борам само за себе, туку за луѓето на кои се обидувам да им помогнам. Кога се борам, се борам со духот на илјада луѓе зад мене“, изјави Џошуа.
View this post on Instagram
