Шокантна вест ни доаѓа од Иран, каде е обесен тиесетгодишниот боксерскиот шампион и тренер – Али Мутаири. Поради ова, се огласија и Обединетите нации, а спортските федерации упатија аларм и повикаа на суспензија на оваа земја од бројни меѓународни натпреварувања.
Ова не е прво погубување на спортист во Иран, во септември 2020 година, борачот Навид Афкари го загуби животот со егзекуција, бидејќи беше осуден за убиство на припадник на обезбедувањето на антивладините протести во 2018 година.
Исто така, Мехди Али Хосеини, поранешен ирански шампион во борење, е обесен на 30-годишна возраст во Исламската Република. Тој издржуваше казна во затвор во градот Зезфул, во провинцијата југозападен Кјузестан. Причината е убиство извршено од него за време на протестите во 2015 година, објави веб-страницата English.alarabiya.net. Неговата егзекуција се случила на 24 јануари.
Во тоа време, сè заврши само со меѓународни предупредувања, а Иран потоа преку судските органи објави „дека постапката била испочитувана до самиот крај“.
„Јерусалим пост“ ги донесува сведочењата на активистите и семејството Мутаири, чии членови тврдат дека бил измачуван пред да биде принуден да признае дека убил двајца припадници на полицијата во Базиџ.
Портпарол на Обединетите нации изјави дека има „силни осуди за егзекуциите“, од кои има најмалку 28 од средината на декември, вклучително и припадници на малцинствата.
Во Иран беше објавено дека Али Мутаири е терористички член на Исламската држава и дека како таков ја нападнал базата Басиџ кога биле убиени двајца припадници на полицијата.
Патем, членовите на оваа паравоена група немаат удел во владата, но тие се поддржани од врховниот водач на државата, Ајатолах Али Хамнеи.
Говореше и Роб Келер, извршен директор на Глобал Атлети, меѓународна правна фирма што ги застапува олимписките спортисти.
„Меѓународниот олимписки комитет мора да реагира сега, Иран мора да биде суспендиран од Олимписките игри. Животот на нивните спортисти сега е во опасност, тие не можат да функционираат“, смета Келер.
#Iran regime executed opposition activist Ali Mutairi. Don’t expect the UN Human Rights Council to fly an investigation commission to Iran. https://t.co/5wcgorYXKs
— Hussain Abdul-Hussain (@hahussain) January 29, 2021
Бројни медиуми во Иран не можеа да ги потврдат наводите на режимот за членството на Мутаири во ИСИС, а еден новинар рече дека иранскиот режим го погубил само затоа што е опозициски активист.
„Не очекувајте од Советот за човекови права на ОН да испрати истражна комисија до Иран“, истакна новинарот Хусеин Абдул Хусаин.
Засега е познато дека покрај споменатите двајца, порано беше погубен и третиот спортист, поранешниот шампион во борење, Мехди Ал Хосеини.
