Денес во современиот свет сите деца се помалку се движат.Моментално преовладува пасивен начин на живот преку практукување на седење пред телевизор, компјутер, мобилен телефон и другите современи електронски уреди.
Спрема најновите истражувања се повеќе деца имаат проблеми со прекумерна телесна тежина, драстично намалени физички активности и способности, како и деформитети на рбетниот столб и стапалата.
Училиштата не можат во доволна мера да ја задоволат потребата на децата за физички активности, па занимавањето со спорт е единствен начин да им се обезбеди оптимален раст и развој.
Затоа е многу корисно да го изберете џудото како спорт со кое ќе се занимава вашето дете.
Џудото е древна јапонска боречка вештина и еден од малубројните боречки спортови кој е влезен во програмата на Олимписките игри уште од 1964 година.
Заради своите специфични карактеристики се вежба насекаде во светот, а во многу држави џудото е вклучено во системот на училиштата како задолжителен предмет за изучување.
Вежбањето џудо на децата им овозможува рамномерно да ги развиваат физичките способности (издржливост, сила, еластичност, брзина), како и стекнување самодоверба и нови пријателства.
Пишува
Дејан Мицкоски – носител на црн појас 2 дан/степен
главен тренер во ЏК Сеишин – Прилеп
