Кинескиот тешкаш верува дека Фјури испорача засрамувачки настап во Ријад.
Поминаа три дена од завршувањето на мечот меѓу Френсис Нгану и Тајсон Фјури, во кој „Предаторот“ го шокираше светот на боксот и добро го намачи светскиот шампион на ВБЦ, за влакно испушти победа, прашината се уште не е легната, а реакции од боречката заедница сè уште доаѓаат од сите страни. Многу борци, тренери и аналитичари го коментираа она што го видовме во рингот во салата на Булеварот во Ријад во саботата, а сега и Жилеј Жанг го кажа своето мислење.
„Мислам дека Нгану го доби тој меч. Ако се смета нокдаунот во третата рунда, тоа е рунда 10-8, а во текот на борбата тој упати повеќе удари и беше поагресивен. Фјури не зададе многу удари, остана дефанзивен и го контролираше растојанието со директи. Беше срамна ноќ за професионалниот бокс“, рече кинескиот тешкаш во интервју за Боксинг њуз, а потоа продолжи:
„Само Фјури и неговиот табор знаат зошто приреди настап под очекуваното. Можеби го потцени противникот, можеби не тренираше доволно, тоа не можеме да го знаеме, само тој знае. Луѓето како мене тренираат напорно секој ден и ние сакаме да испорача професионален настап, а зад себе има луѓе со пари кои го поддржуваат, но тоа што го направи во саботата е лошо за боксот“.
Во продолжение на разговорот „Биг Бенг“ се осврна на боксерската презентација на Нгану, но одговори и на новинарско прашање дали би се согласил на меч со поранешниот шампион на УФЦ.
„Морам да му честитам како дебитант во професионалниот бокс, кој дојде од сосема поинаков спорт. Тој го држеше актуелниот ВБЦ шампион на задната нога во текот на целата борба. Морам да му оддадам признание и честитки”, изјави 40-годишниот Кинез, зборувајќи за потенцијален судир со камерунски нокаутер:
„Доколку се понуди таа можност, дефинитивно ќе ја зграпчам. Тој е боксерски почетник, тоа се виде и во неговиот настап во саботата, сакам да влезам во рингот со него и да му покажам како изгледа шефот на професионалниот бокс“.
