Промоторот на шампионот во тешка категорија на ВБЦ, Тајсон Фјури, Френк Ворен зборува за преговорите со тимот на носителот на титулите на ВБА Супер, ИБФ и ВБО, Александар Усик.
Судирот од соништата е доведен во прашање бидејќи двата табора не можат да се договорат за финансискиот дел. Се разбира дека таборот на Џипси Кинг сака лавовски дел, додека тимот на Украинецот бара поделба 50-50.
„Дали постигнавме договор? За жал не. Постојано велам дека тоа ќе се случи за неколку дена бидејќи навистина се надевам дека ќе потпишеме. Но, тоа никогаш не се случува. 29 април брзо се наближува и мораме или да повлечеме линија или да бараме други опции.
„Не сакам да навлегувам во детали. Очигледно луѓето сакаат да знаат што се случува и ние би сакале да ги продадеме билетите, но работите стануваат малку посложени. Се надевам дека ќе се договориме. Ќе бидам многу изненаден ако тоа не се случи следната недела“, рече Ворен во интервју за Јутјуб каналот Секандс аут.
Пресметката за неприкосновениот светски шампион во дивизијата е закажана за 29 април и треба да се случи во Лондон.
