Промоторот на Џо Џојс, Френк Ворен, изјави дека неговиот боксер ќе биде подготвен да го заземе местото на Џошуа во пресметката за титулата на ВБО со Александар Усик, под услов актуелниот светски шампион да одбие да го брани појасот.
„Ако Ентони Џошуа реши да се откаже од титулата на ВБО и да се соочи со послаб противник од Усик, тогаш нашиот човек, Џо Џојс, ќе биде подготвен да се сретне со Украинецот. Џојс нема да бега, бидејќи трпеливо чекаше да дојде време за овој меч. Не можевме да го договориме тоа, додека очекувавме да видиме дали ќе има меч Фјури против Џошуа и какви било правни проблеми што можат да се појават“, изјави Ворен за„ Дејли стар“.
Потсетуваме, светскиот шампион на ВБА, ВБО, ИБФ и ИБО Ентони Џошуа (24-1) треба да се бори со Александар Усик (18-0). Тие треба да се сретнат на 14 август, користејќи го правото на Украинецот да биде официјален предизвикувач на ВБО. Потврда за датумот и местото на нивниот меч се очекува во наредните денови, но се повеќе се зборува за одбивањето на Англичанецот да се судри со Усик и респективно ослободување на титулата на ВБО.
„Џојс нема да се плаши да се соочи со Усик ако Џошуа одлучи дека не сака да се бори со задолжителниот предизвикувач. Штета би било ако Фјури против Џошуа не биде за апслолутен светски шампион, но ситуацијата е профитабилна за нас, бидејќи нашиот тим ќе добие уште еден светски шампион во тешка категорија“, заклучи промоторот.
Џо Џојс нема пораз во професионалниот боксерски ринг. 35-годишниот англиски боксер има биланс од 12 победи на 12 натпревари (11 со нокаут). Во последниот судир Џојс му го нанесе првиот пораз на младиот талент Даниел Дубоа, нокаутирајќи го во 10-тата рунда во борба за европската титула во тешка категорија, онаа на Велика Британија, како и интерконтиненталниот појас на ВБО.
