Откако со едногласна одлука го победи Калвин Гастелум, поранешниот шампион на УФЦ во средна категорија Роберт Витакер ја сумираше борбата и ги објави идните планови во кариерата.
„Се чувствувам како да сум на врвот на светот. Очигледно беше многу тешка битка. Многу луѓе го потценија Калвин поради неговата позиција на ранг-листата, но тој е еден од најдобрите борци во дивизијата и тоа беше тешка битка“, рече Витакер.
„Првично, се подготвував за средба со Пауло Коста, па брзината беше клучна и работев напорно на позицијата. Мојата неверојатна техника ја однесов на следното ниво“, додаде поранешниот шампион.
Витакер сака да му се реваншира на Израел Адесања од кого ја загуби титулата пред година ипол.
„Јас многу го почитувам, тој е голем борец, но мислам дека е време да се видиме повторно. Австралија ги отвори границите во септември, па можеме повторно да го направиме тоа и да го наполниме стадионот“.
Витакер реагираше и на зборовите на Адесања, кој коментирајќи ја победата во Австралија, го нарече својот поранешен ривал „синко“.
„Тоа е Изи, тој е тој. Користеше три трикови и ме победи последниот пат. Но, работев напорно и мислам дека имам неколку работи што тој сè уште не ги видел“, заклучи Витакер.
