ВБО нема да им ги признава титулите на руските боксери

Новиот претседател на Светската боксерска организација Франциско Валкарсел изјави дека нема да ги избрише руските борци од рејтингот на ВБО, но и дека нема да им ги признава борбите за титулата.

За разлика од него, неодамна претседателот на ВБЦ, Маурицио Сулејман најави исклучување на руските и белоруските борци од рејтингот на оваа организација. На ваков чекор на почетокот на годината се реши и ВБА, па неколку руски боксери како Дмитри Бивол и Алексеј Јегоров останаа без името на државата од која доаѓаат.

Валкарсел одговори негативно на прашањето дали ВБО ќе ги исклучи Русите и Белорусите од рејтингот на оваа организација.

„Едноставно нема да ги признаеме борбите за титулата, во кои учествуваат Русите“, изјави Валкарсел.

Руските боксери се уште се присутни на ранг-листата на ВБО, а до нивните имиња се уште стои кратенката РУС. Шампион во ВБО (како и во верзијата ИБФ и ВБЦ) во полутешка категорија е Русинот Артур Бетербиев, кој има и канадско државјанство.

ПОВРЗАНИ ВЕСТИ

ПОПУЛАРНО