Се чини дека светот на боксот е крајно фрустриран поради недостигот на доволно големи борби во тешка категорија во последно време. Дури и Светскиот боксерски совет излезе со став дека сака да помогне во организацијата на мечот меѓу Тајсон Фјури и Ентони Џошуа, бидејќи „Џипси Кинг“ последен пат го одбрани појасот против Дерек Чисора во декември, а половина година подоцна нема договор со следниот кандидат.
„Секако дека имаме загриженост за лошите резултати во тешка категорија. Единствените причини се алчноста и моќта. Се надеваме дека ќе се вразумат и ќе го реализираат натпреварот. Тајсон Фјури е жртва на пари“, изјави претседателот на ВБЦ, Маурицио Сулејман, цитиран од Боксинг ТВ.
Идејата на Сулејман и неговите колеги е да го подигнат рејтингот на „Еј Џеј“ за тој да стане задолжителен предизвикувач за титулата. Потоа, во преговорите двајцата спортисти ќе имаат многу повеќе ограничувања за поставување услови на противникот, за да може влијанието на нивните менаџери да се стави под одредена контрола.
ВБЦ има моќ да принуди кој било од своите шампиони да се бори со противникот по избор на Советот или во спротивно може да му го одземе појасот. Ова е причината зошто Дилиен Вајт ја доби шансата во април 2022 година, иако на крајот беше нокутиран од Фјури во 6 рунди.
