Тешкашот Дилиен Вајт одговори на изјавата на Ентони Џошуа за нивниот потенцијален реванш, повикувајќи го својот сонародник да се бори и да престане да зборува глупости.
Имено, мечот меѓу Џошуа и Вајт беше најавен за 12 август во лондонската О2 арена, а тоа го потврди и промоторот Еди Херн.
Тоа е борба за која се шпекулира подолго време и изгледа како логичен чекор за двајцата кои го победија истиот противник во нивната последна борба, Џермејн Френклин.
И додека Херн изјави дека се водат преговори за меч меѓу Џошуа и Вајт, Еј Џеј на социјалните мрежи објави дека „ништо, ништо од преговорите за таа борба“.
И се чини дека Бодиснечер е многу запален за тој меч и желен да му врати на Џошуа за поразот со нокаут во декември 2015 година.
„Што велиш на тоа да престанеш да плачеш и да дојдеш да се бориш, секогаш зборуваш глупости и објавуваш секакви работи и потоа ги бришеш. Биди маж!“, изјави Дилиен Вајт.
Очигледно, Вајт е прилично лут на потезите на Џошуа во изминатите неколку недели.
Џошуа се врати во април по двата порази од Александар Усик со победата против Џермејн Френклин, а Вајт го нарече неговиот триумф како шега со оглед на тоа што Бодиснечер го победи Американецот во ноември.
How’s about you stop being a bitch and let’s make the fight you fucking weird guy always talking shit tweeting stuff then deleting be a man you little bitch @anthonyjoshua pic.twitter.com/PmfNxFFD6r
— Dillian Whyte (@DillianWhyte) June 3, 2023
