Усик неодамна уште еднаш докажа колку е подобар од Џошуа.
Одличниот Aлександр Усик неодамна по втор пат го победи Ентони Џошуа за да ги одбрани појасите кои му ги одзеде минатата година. Иако Џошуа овојпат се покажа подобро, сепак, тоа не беше доволно технички и тактички да го надмудри речиси беспрекорниот Украинец.
По вториот меч Џошуа доживеа вистински емотивен слом и го зеде микрофонот и почна да зборува за својот живот, велејќи дека Усик не е силен, дека не разбира како тој тип го победил и слично. Но, Усик не изгледа дека има нешто против него. Наместо тоа, тој му понуди помош ако сака да се врати во борбата.
„Ако му треба мојата помош, ќе одам во неговиот камп и ќе му помогнам. Нема 40 години, има само 33 и дефинитивно треба да продолжи да работи. Ентони, не застанувај! Разбирам дека сакаше да ме победи, но Ентони не смее да се откаже. Мора да продолжи да оди напред“, изјави Усик за Скај спорт.
Усик ги одбрани титулите на ИБФ, ИБО, ВБА и ВБО во тешка категорија таа вечер по дванаесет рунди одличен бокс. По самиот меч, како што споменавме, Џошуа го украде микрофонот и многумина велеа дека тој му го украл моментот на Усик. Александар се осврна и на тоа:
„Погрешно е да се мисли дека ми го украде моментот. Го кажа тоа што сакаше да го каже, но фала Богу, победата беше моја. Ентони не треба да се суди за тоа што го направи, тој е спортист на високо ниво и добар човек. Направи грешка, сигурен сум дека не од лутина. Едноставно беше тажен и разочаран поради поразот“, заклучи Усик.
