Ниту далечината ниту пеколните горештини не го спречуваат Александар Неделковски два пати во денот да патува од Сарај до Автокоманда во Скопје (пат од 18 километри во еден правец) и да вежба со својот тренер Мирче Јанушевски, се со една цел – максимална подготовка за Светското карате првенство за кадети, јуниори и јуниори до 21 година на Тенерифе, Шпанија, од 25 до 29 октомври.
Неделковски е еден од најдобрите млади изведувачи на кати во нашата земја, а пред се го краси упорноста и фанатизмот за работа. Успешно го заврши карате кампот на КК Металург во Сутоморе, Црна Гора, а веднаш потоа со Јанушевски се оддадоа на напорна работа, која треба да резултира со медал на Светското првенство во Шпанија.
Да потсетиме дека Неделковски во 2013 година е блакнаски првак за деца, а потоа светски шотокан првак и девет години е државен првак, така што сега на ред се оние најзначајните, светските и европските.
Верата во успехот секогаш завршува со награда.
Ipon.mk/В.Д.
