Турки Алалших со нови информации: Велика Британија останува фаворит за големиот судир Фјури-Џошуа

Преговорите за долгоочекуваната борба меѓу Тајсон Фјури и Ентони Џошуа продолжуваат со полн ек, а Велика Британија останува главен фаворит за домаќин на историската борба. Според информациите што ги сподели боксерскиот новинар Мајк Копингер, Турки Алалаших има нови информации за организацијата на натпреварот.

Во моментов се дискутира за неколку британски стадиони, вклучувајќи ги Вембли, стадионот Тотенхем хотспар и стадионот Принсипалити во Кардиф. Според промоторот Еди Херн, моменталниот договор меѓу страните предвидува борбата да се одржи во Велика Британија.

Евентуалното преселување во САД би барало нови преговори и потпишување на нов договор. Планот е средбата да се одржи во ноември 2026 година, но пред тоа, и Фјури и Џошуа мора успешно да ги поминат подготвителните борби во јули. Пораз или повреда на кој било од нив би можела повторно да ја одложи борбата од соништата.

Очекувањата се дека победникот ќе се најде во позиција да ја нападне светската титула на ВБЦ, што го прави судирот уште позначаен. По години неуспешни преговори, се чини дека Фјури и Џошуа конечно се поблиску од кога било до средба во рингот.