Мирече Василев од Кик бокс мај тај клубот Адреналин од Радовиш на КВУ Светскиот куп Сенши во Варна, Бугарија, го освои бронзениот медал.
Василев настапи во категоријата до 70 килограми.
Мануел Менендез е новиот шампион во оваа категорија на Светскиот куп за аматери. По два дена остра борба, високо темпо и бескомпромисни судири во Варна, тој заслужено се искачи на највисокото ниво на почесното скалило, демонстрирајќи класа, карактер и шампионски дух.
Третото издание на престижниот меѓународен турнир собра 48 натпреварувачи од 21 земја, кои се натпреваруваа според правилата на КВУ Сенши – динамичен формат што комбинира техники од фул контакт карате и мај тај.
