Тројца натпреварувачи на Максам фајт на ММА турнир во Белград

Тројца натпреварувачи на Максам фајт од Прилеп на 25 септември во Белград ќе учествуваат на ММА настанот „Теогенес изазов“.

Боите на Максам фајт ќе ги бранат Виктор Нестороски (-70 кг) во групата над18 години. Досега има две ММА борби, а на борбите с евраќа по подолга пауза. Давид Шапуриќ (-93) до 16 години, ова ќе му биде прва борба. Христијан Тасески (-70 кг, 16 години) со три аматерски борби досега.

Борбите ќе бидат по аматерски и семи про правила.

„Очекуваме добра организација, добар настап на нашите борци и се надеваме на победи. Конкуренцијата е голема и силна, но ние сме оптимисти. Подготвени сме, категориите и физичката спремност се темпирани за натпреварот,останува да се добро да се бориме и да имаме среќа. Престојот во Белград ќе го искористиме и за нови контакти и нови соработки и следни активности со тамошните клубови и тренери“, вели тренерот Пеце Ангелески.

Пријавени се околу 20 клубови од Србија, меѓу кои може да се прочитаат многу квалитетни и популарни имиња.