Томпсон: Туркањето на Хамзат Чимаев е шлаканица за другите борци

Поранешниот предизвикувач за титулата во полутешка категорија, Стивен Томпсон е незадоволен од специјалниот третман на УФЦ кон Хамзат Чимаев. За само неколку месеци во организацијата, „Борз“ успеа да го освои срцето на Дана Вајт, откако победи во 3 битки за 66 дена. Ова го стави во топ 15 во полутешка категорија и доби битка со Леон Едвардс, кој е број 3 на П4П-листата.

Тие ќе се борат следниот месец, а победникот скоро сигурно ќе добие шанса за титулата. 26-годишниот Чеченец е сигурен во своите квалитети и е подеднакво добар и во стој и во партер. Даниел Кормиер не престана да го фали и рече дека Чимаев ќе биде двоен шампион на крајот на 2021 година.

Не е јасно каква иднина има овој борец, но Томпсон не е љубител на УФЦ и понатаму да го турка. Стивен е бесен затоа што тоа е шлаканица за сите кои напорно работат во категоријата.

„Мислам дека Хамзат Чимаев е број 15 во рангирањето во средна категорија, што нема смисла. Знам дека има една победа во средна категорија над МекКи, кој е во серија порази и се бори во лесна категорија. Нема смисла во тоа, бидејќи тој ги прерангира момчињата кои напорно работат за своите позиции.

Борец кој е број 15 победи во битка со број 3 во категоријата и тоа е смешно. Се борев со убијци за да дојдам до врвот на категоријата, а тоа го стори и Леон. Едвардс мораше да победи 8 борци за да влезе во топ 3. И јас би се борел со тешки борци, а ова момче Чимаев само ги прередува другите.

Мислам дека тоа е шлаканица во лице за секој што си го откинал газот од работа. Мислам дека ќе му дадат шанса за титула со победа над Леон. Ова е мое предвидување. Размислив и ми стана јасно.

Хабиб се повлече, а Чимаев беше прободен со нож и тие мора да го задоволат овој пазар по повлекувањето на Нурмагомедов. Постои логика во фактот дека Чимаев го турка УФЦ“, изјави Томпсон за Чимаев.