Томе Тодоровски се враќа со бронзен медал од Премиер лигата во Германија!

tome todorovski

Томе Тодоровски од Макпетрол го освои бронзениот медал во категоријата до 67 килограми на вториот ден од Карате 1 Премиер лигата во Кобург, Германија, и ја одбрани честа на македонското карате, односно да се освои медал на турнир од Премиер лигата.

Томе најпрво го совлада со 2-1 Томас Касерер од Австрија, откако во првото коло беше слободен, за потоа да биде убедливо совладан од Кујтим Бајрами од Швајцарија со 8-0. Но, во стилот на вистински шампион, во репасажот маестрално ги доби сите три борни и заслужено го освои третото место и бронзениот медал.

Тодоровски во првата борба од репасажот го доби Колумиецот Карлос Морено по резултат 0-0 (3-2) на изјаснување, со 4-3 го совлада Хезус Коста од САД и во одлучувачката борба повторно со изјанување на судиите славеше (0-0, 3-2) над Џек Гил Барнеј од Нов Зеланд.

Во истата категорија вториот натпреварувач на Макпетрол, Игор Таневски, беше поразен во првото коло од Стивен Дакоста од Франција со 9-0. Но, и во репасажот загуби од Ментор Бутуци од Швајцарија со 2-0.

Треба да се истакне и одличниот настап на тешакашот Семир Ќосовиќ (+84 кг), кој беше запрен дури во полуфиналето од Тајрон-Дарнел Ларди од Холандија со 5-0.

semir Kosvik vo Koburg

Каратистот на Металург во првото коло го совлада Ангел Георгиев од Австралија со 1-0, па Валентино Фиораванте од Италија по изјаснување на судиите, бидејќи борбата заврши 0-0. Со 5-0 славеше над Греманецот Алексадар Балгојевиќ, а со 1-0 го победи Јунг-Чи Ванг од Тајпеј, со што го освои првото место во својата група.

Во репасажот не смогна сили против Французинот Салим Бендиаб, беше поразен со 3-0.

Во оваа категорија Емануел Ристевски (Макпетрол) имаше учинок 1-1, однонсо во првото коло го победи Лоренцо Панаро од Италија (0-0), за потоа во интересна борба да биде поразен од Русинот Александер Пшеницин со 8-6.

ipon.mk/В.Д.

ПОВРЗАНИ ВЕСТИ

ПОПУЛАРНО