Се очекуваше Ентони Џошуа да се соочи со Оти Валин, но малкумина очекуваа брилијантен настап од Британецот.
Ентони го растргна противникот и не само што постојано го притискаше, туку не му дозволи да контрира. Апслоутно ништо не му дозволи да направи. Сето тоа логично доведе до победа на TKO во петтата рунда, откако аголот на Валин го фрли пешкирот. Дали оваа борба е знак дека се враќа старата верзија на Џошуа?
Сè уште е рано да се извлечат такви заклучоци, но има ветувачки знаци кои самиот Ленокс Луис ги истакна на ТНТ спортс.
„Ако погледнам наназад на сите борби на Џошуа во последните пет години, ова беше првата што целосно ме воодушеви. Видов погледи на неговото старо јас како се пробива до врвот. Она што го направи против Валин беше прва класа.
Ентони приреди целосно фокусиран настап кој не можам а да не го пофалам. Да бидам искрен, очекував повеќе од Валин. Сепак, во минатото ни покажа дека може да боксира. Џошуа навистина не му дозволи да направи ништо.
Мислам дека овој настап многу ќе му ја зголеми самодовербата. Доколку покаже сличен настап во следната борба, тогаш другите боксери во тешка категорија ќе имаат сериозен проблем“, изјави Луис.
Еј Џеј би сакал да има трилогија со Александар Усик за да ги надомести неговите претходни два порази. Токму овие два порази од украинскиот шампион го клекнаа Ентони и многу луѓе, меѓу кои и неговите верни фанови, почнаа да се сомневаат во него.
View this post on Instagram
