Промоторот на Џошуа, Еди Херн смета дека тимот на Фјури можел да направи повеќе за да го спаси мечот за апсолутен светски шампион во бокс. Сопственикот на Мечрум бокс е лут на колегите Боб Арум и Френк Ворен што не сториле ништо за да ја спасат борбата за титулата меѓу Ентони Џошуа и Тајсон Фјури, за која се преговараше со месеци.
Во меѓувреме, Фјури прифати судир против Вајлдер и ќе го брани шампионскиот појас на ВБЦ во Лас Вегас на 24 јули. Но, не само што Херн беше лут на промоторите на Кралот на Ромите, и таткото на Фјури го изрази своето незадоволство.
„Тајсон има 20.000 луѓе околу себе и кога сте на врвот тогаш собирате многу пијавици, едноставно се закачуваат на вас. Вие сте возбудени цело време да се борите со еден човек и одеднаш сè се менува. Тој потпиша договор за нешто сосема друго“, Џон Фјури и додаде:
„Сега тој може да го обвини својот тим. Никогаш не треба да брзате, бидејќи не излезе добро. Тајсон веќе беше ментално на мечот против Ентони, а јас сакав да се бори против него. Вајлдер воопшто не ме интересираше, му реков да го фрли појасот во ѓубре и да оди да се бори со Џошуа.
Средбата за обединување на титулата меѓу Ентони Џошуа и Тајсон Фјури беше закажан за 14 август во Саудиска Арабија, но таа борба засега е одложена.
И, прашање е дали воопшто ќе се одржи. Таткото на Фјури знае дека Тајсон сега треба да најде нова мотивација, а тоа може да биде многу тешко.
„Загрижен сум за него, бидејќи сега сè треба почне од почеток. Што ако е премногу самоуверен и направи грешка. Постои можност сè да оди во погрешна насока. Не го разбирам ниту Вајлдер, зошто да не земе 20 милиони долари без борба, со гаранција дека е следниот што ќе добие борба за шампионската титула. Се чини дека некои сили се заплеткаа и сега ги принудуваат и двајцата во стапица“, посочува Џон Фјури и заклучува:
„И Тајсон и Џошуа можат да изгубат, затоа што ќе размислуваат еден за друг, а потоа ќе направат нешто друго. Тие беа мотивирани за најголемата борба во историјата, а сега ќе имаат предборба за загревање. Ми се чини дека Боб Арум се грижеше за своите интереси и се се вртеше околу парите. Тие не сакаа борба во Саудиска Арабија, а арбитражата можеше да биде решена и во декември. Знаеја дека претстои одличен меч и не направија ништо. Сега сето ова е голем сон“!
