Наскоро треба да се знае дали Тајсон Фјури ќе ја брани титулата на ВБЦ против Дилиен Вајт.
И додека се чека потврда, Џипси кинг повторно ги коментираше случувањата во тешка категорија во едно неодамнешно интервју.
Во ниту еден разговор не може да го заобиколи својот несуден противник Ентони Џошуа.
„Тој е бескорисно старо копиле. Малку се засили, па отиде во Америка каде што се вистинските борци. Таму беше збришан од дебелото дете Енди Руиз, кој ја прифати борбата само две недели претходно“, рече Тајсон Фјури, додавајќи:
„Џошуа не е добар боксер, само бескорисен клошар! Тој се бореше со Усик, кој е половина помал и еден метар понизок од него. Сите видовме како заврши мечот“.
Ентони Џошуа би требало да има реванш против Александр Усик во мај или јуни. Украинецот минатиот септември го победи Џошуа и го освои шампионските појаси на ВБА, ИБФ, ВБО и ИБО.
„Усик нема да победи ниту на реваншот, кариерата му ја заврши Усик“, истакна Тајсон Фјури и заклучи:
„Усик е добар и талентиран боксер, но не е толку одличен. Мал е за борец во тешка категорија и не е брз. Тој е пристоен боксер, но личи на Мухамед Али во споредба со вкочанетиот Џошуа“.
