Тајсон Фјури, дури и да се врати, не сака да се бори со тој тешкаш: Мислите ли дека сум глупав?

Поранешниот шампион во тешка категорија на ВБЦ, Тајсон Фјури (36), моментално е во пензија, но сè уште има знаци дека би можел да се врати на рингот.

Големиот Британец во јануари минатата година, по двата порази од Александар Усик, го објави своето пензионирање.

Својот прв пораз го доживеа кон средината на мај во меч за апсолутната титула светски шампион, а потоа и во реваншот на крајот од 2024 година.

Се веруваше дека Фјури би можел да го насочи вниманието кон голема британска пресметка со Ентони Џошуа, но досега ништо не произлезе од тоа.

Многу фанови се надеваат дека Кралот на Ромите ќе се предомисли и дека е само прашање на време кога повторно ќе ги облече ракавиците.

Фјури го направи тоа неколку пати претходно, и ако одлучи да се врати, најверојатно ќе биде за борба против Еј-Џеј.

Но, постои еден тешкаш со кој очигледно никогаш не би сакал да се бори. Во интервју за Квинсбери промоцијата Фјури го истакна квалитетот на младата ѕвезда во подем, Мозес Итаума.

„Борба против Мозес Итаума? Не, дефинитивно не. Мислиш ли дека сум глупав“? – одговори Тајсон Фјури многу јасно откако беше прашан дали би влегол во рингот со 20-годишниот британски борец.