Поранешниот шампион на УФЦ, Стипе Миочиќ, не се откажува од реваншот против Даниел Кормиер за кој смета дека му припаѓа како најуспешен УФЦ првак во историјата на тешка категорија. Американско-хрватскиот борец не престанува да повторува дека ова е единствениот меч за кој во моментов е заинтересиран, а истото го рече и во последното интервју за ЕСПН.
„Сакам меч за шампионска титула. Тоа е нешто што го заслужувам“, повтори многу лутиот Стипе кој овие денови треба да стане татко за прв пат.
Но, впечатокот е дека мечот Миочиќ – Кормиер 2 не е во интерес ниту на УФЦ ниту на новопечениот шампион, кој на крајот на кариерата сака помрсен чек, што сигурно ќе го заработи ако се бори со ВВЕ-ѕвездата Брок Леснар.
Според последните информации, Леснар се врати во анти-допинг програмата на УСАДА, па во во акција, ако себиде во ред со неговото тестирање, може да го видиме во јануари 2019 година. Кормиер е подготвен да почека, но Миочиќ не е …
„Колку долго Леснар не се борел? Видете, не е фер што тој да добие шанса да стане шампион, а мене само да ме шутнат на страна. Мислам дека УФЦ е очаен и дека само ППГ преносите и нивната продажба им се во главата“, додаде Стипе кој не сака да чуе коебило друго сценарио.
