Сребро за Додевски и бронза за Георгиевска на силниот „Президент куп“ во Истамбул

Македонските таеквондисти се сензација на еден од најсилните турнири во светот 6. Президент куп 2021 во Истамбул, Турција, со освојувањето на два медала – сребрен на Филип Додевски и бронзен на Анамарија Георгиевска.

Филип Додевски (-87 кг) до сребрениот медал стигна со три победи против Ахмет Кескин и Таха Бицер од Турција (актуелен европски шампион до 21 година) и Рафаел Камалов од Русија (втор на светската ранг листа во оваа категорија).

Додевски во финалето е поразен од Роберто Бота од Италија (актуелен бронзен медалист од Европско првенство).

Анамарија Георгиевска (-67 кг) со победите над Аисе Кирачаоглу од Турција и Андреа Мокаму од Романија го освои бронзениот медал. Во полуфиналето беше поразена од Атанасија Мицополу од Грција.

„Одлични борби имаа Филип Стаменов и Марко Аврамовски, Дејан Георгиевски не настапи на првиот турнир поради поситни повреди“, велат од МТФ.

ПОВРЗАНИ ВЕСТИ

ПОПУЛАРНО