Македонските каратисти освоија три медала – златен, сребрен и борнзен на „Кроација опен 2016“ во Ријека-Хрватска.
Столе Смилковски од Олимпик спорт го освои златниот медал во кадетска конкуренција во категоријата до 57 килограми во борби. На патот до златото тој ги совлада Рикардо Бомеи-Италија, Лубомир Демски-Словачка, Роко Михалинец-Хрватска, Марко Марковиќ-Србија и во финалето Џенаро Витулано од Италија.
Сребрен медал освои Владанка Аврамова – Урбан иневст во кати во кадетска конкуренција, а Александар Неделковски – Металург бронзен во оваа дисциплина. Ова и беше прв настап во кадетска конкуренција и на Владанка и на Александар.
Аврамова имаше четири победи до финалето каде што загуби од Нина Хлавачкова од Словачка, а Неделковски три победи, при што во полуфиналето беше совладан од Јан Хартл-Словачка, додека во борбата за бронзениот медал славеше против Гергели Чишксај од Унгарија.
На турнирот настапија 1.563 натпреварувачи од 18 земји.
Ipon.mk/В.Д.
