Изминатиов викенд во Лозница, Србија, се одржа Меѓународниот џиу џицу турнир „Опен Лозница“ со учество на 550 натпрварувачи од 8 држави, односно од 25 клубови, на кој нашиот преставник „Дан кју“ освои 6 медали – 3 злата, 2 сребра и 1 бронза.
Катерина Ацевска доби пехар за најдобар сениор на турнирот.
Медалите ги освоија:
Катерина Ацевска – 2 злата, У-21 и сениори
Антонио Стојчески – злато и сребро, У-18 злато, У-21 сребро
Зоран Колевски – 2 сребра, У-18 и У-21
Марија Треневска – бронза, У16 +63 кг
„Одличен настап на нашите натпреварувачи кои од турнир во турнир покажуваат се подобри борби, а тоа се гледа и од резултатите. Се надеваме дека со еден ваков сериозен пристап овие резултати ќе ги повториме и на претстојните големи натпреварувања како што се Балканското првенство во септември и Светското првенство во октомври. Овие се важни контролни турнири каде што ја темпираме формата, но и испробуваме повеќе тактики. Ни претстои и турнирот во Јахорина на 1 јуни“, вели тренерот Александар Ацевски.
