Ристо Димитров-Чурино кој настапува во повеќе боречки спортови, како ММА, самбо, кураш, џиу џицу, па од недомана и во борење, не може да се изначуди како го нема во номинациите за спортист на Битола.
„За прв пат во историјата на македонското самбо бев учесник на Светското пренство во комбат самбо во Казабланка-Мароко. За прв пат и донесов медал на самбо репрезентацијата вокомбат самбо на турнир во Хрватска, односно првите медали за овој спорт. Медали од Европското првенство во кураш во Грција. Меѓу првите ММА борци сум. И за се сум прв од Битола. Еден од најуспешните. Историја“, вели Димитров по изборот на спортист на годината во Битола.
Според него, еден ден кога ќе станат многу популарни спортови, дури тогаш ќе спомнуваат кој прв почнал.
„Ние продолжуваме со тренинзи, бидејќи не очекуваат многу натпревари оваа година. Замислете што се немам постигнато до сега. Еднаш не се дрзнаа барем да ме номинираат за спортист на Битола“, тврди Димитров.
Во Сојузот на спортови на Битола велат дека тие работат според критериуми на јавен конкурс, при што клубовите ги пријавуваат кандидатите за спортист на годината, а потоа одлчува компетентна комисија. Од ССБ истакнуваат дека немало пријави за Димитров, ниту па за некого од неговиот клуб.
Ipon.mk/В.Д.
