Боксерскиот реванш на Џо Џорџ и Маркос Ескудеро, што се одржа минатиот викенд, донесе одличен нокаут.
Џо Џорџ и Маркос Ескудеро се перспективни полутешкаши кои минатата година одработија одличен меч во кој Џорџ славеше со поделена одлука по десет рунда. Тоа беше средба на двајца непоразени боксери кои беа во рамките на Топ 100 ранг-листа според Боксрец и победата донесуваше многу. Сепак, тимот на аргентинскиот боксер беше крајно незадоволен од одлуката на судиите.
Токму заради тоа беше организирано нивниот реванш, а тој се најде минатиот викенд на бокс програмата на Шоутајм спорт. И овој пат тоа беше многу интересен и неизвесен судир, каде што при крајот се појавија стравувања дека може повторно да се донесе контроверзна одлука. Сепак, во деветата рунд Џорџ се погрижи да не се случи тоа.
31-годишниот Американец во еден момент најде простор за аперкат точно во брадата, кој веднаш го приземји Ескудеро. Овој се обиде да се исправи, но не успеа и натпреварот заврши, а аперкатот на Џорџ стана приказна на неделата во светот на боксот.
Шоутајм спорт одлучи тој нокаут да го сподели со целиот свет. Погледнете го!
