Перо Антиќ ги награди кикбоскерите на Горила за успехот на „Трофеј на Заечар“
Нашиот прославен кошаркар Перо Антиќ, кој со Фенербахче на фајнал форот ќе се бори за европската титула, која треба да биде трета во неговата кариера, дефинитивно е голем поклоник на кикбоксот.
На вчерашниот тренинг на Кик бокс клубот Горила од Скопје на Дејан Станковски, Душан Чимев, Дамјан Здравкоски и Филип Сливјан и беа поделени парични награди од нашиот кошаракарски ас Перо Антиќ за освоените три злата и едно сребро на Меѓународниот турнир „Трофеј на Заечар“.
Да потсетиме дека на „Трофеј на Заечар“ во Србија, кикбоксерите на КБК Горила освоија три златни и еден сребрен медал, а Душан Чимев го доби признанието за најдобар странски натпреварувач.
Тогаш во главните борби нашите натпреварувачи извојуваа победи Дејан Здравковски (-71) го победи Филип Стефановиќ од КБК „028“, Деајн Станковски-Младен Китиќ-Китиќ -75 кг, Душан Чимев-Петар Бошковиќ-Ниш -81 кг, а Филип Силјановски на средбата со Новак Радуловиќ-Ниш -75 кг беше поразен. Сите борби беа во сениорска конкуренција.
„Благодариме е малку, за да можеме да ја искажеме нашата благодарност! Се надеваме дека овај пример ќе го следат сите кои го сакаат спортот и ќе ги мотивираат младите да тренираат, да го кренат степенот на мотивираност и љубов за спортот и поголеми успеси. Од името на борци и на целиот клуб Горилла, ти благодариме за овај прекрасен гест, кој доликува на спортска легенда и великан како тебе“, вели тренерот Иле Ристески.
Наградите се многу пристојни и мотивирачки.
Ipon.mk/В. Д.
