Одлично издание на Александар Неделковски во Светската младинска лига, ќе жали за бронзата

Aлександар Неделковски забележа многу добар пласман во силна светска конкуренција на Младинската светска карате лига, односно Карате 1 лигата за млади во Умаг-Хрватска, освојувајќи го петото место во кати за јуниори.

Во трета фаза имаше втора највисока оценка 25,32, веднаш зад Јапонецот Јуто Акијоши со 26,14, а во борбата за бронзениот медал загуби од Италијанецот Алесио Џинами кој имаше оцена 25,98, а Неделковски 24,92.

Во оваа конкуренција имаше 90 натпреварувачи.

Од другите наши натпреварувачи само Бојан Костов (-52 кг, кадети) е блиску до поголем резултат, но борбите се уште се во тек.