Настапот на македонските каратисти по првиот ден на Карате 1 Премиер лигата во Париз е незадволителен. Шестмината каратисти кои излегоа на татамито денеска извојуваа само две победи, Драгана Манговска и Емил Павлов, со тоа што Манговска има шанса во репасажот да го поправи впечатокот (дополнување Манговска е поразена во репасажот).
Утре и во недела впечатокот може да го поправат -61 кг Наташа Стефановска и Вероника Костовска, -68 кг Ангела Мојсовска и Моника Стефановска- Јохана Кнер (Германија), -84 кг Берат Јакупи, Виктор Крстевски и Петар Спасеновски и во +84 кг Жарко Арсовски.
Денеска настапуваше и Пуликсенија Јованоскаво кати и во првата група (8 натпреварувачки) со оценка 21,54 е шеста и немаше можност во наредниот круг.
Токму во оваа дисциплина во Париз дебитираше новиот систем на судење, односно електронско оценување при што се евалуираат техничката и атлетската изведба. За техничката изведба се добиваат 70 отсто од оценката, а 30 за спортската изведба.
Резултати
кати
Пуликсенија Јованоска 21,54 (шеста во I група од вкупно 8)
-50 кг
Драгана Манговска – Џована Феролди (Бразил) 5-1
Драгана Манговска – Серап Озчелик (Турција) 0-6
Репасаж
Драгана Манговска – Нуране Алијева (Азербејџан) 0-4
-55 кг
Симона Заборска – Туба Јакан (Турција) 0-3
-60 кг
Емил Павлов – Антонио Вацола (Италија) 2-0
Емил Павлов – Ноах Писино (Швајцарија) 0-1
-67 кг
Ненад Келебиќ – Хирото Гомјо (Јапонија) 2-3
-75 кг
Петар Заборски – Беслан Мизов (Русија) 0-8
На Премиер лигата настапуваат најдобрите свестки каратисти од ВКФ ранг листата, односно првите 50, а останатите 14 се дополнуваат од првите 100-мина на листата. Настапите се значајни за собирање на бодови за олимписка норма за Олимпсиките игри во Токио 2020 година, кога овој спорт ќе дебитира во олимпијадите.
Ipon.mk
