Американскиот боксер со порторикански корени Едгар Берланга се надева дека до крајот на годината би можел да договори меч против Канело Алварез и да стане светски шампион во суперсредна категорија.
Едгар (27 години) веќе некое време сака да се испроба против еден од најголемите боксери на денешницата, а сега е уште порешителен и истакнува дека е целосно подготвен за мексиканската ѕвезда.
Берланга има перфектна серија од 22 победи (17 нокаути), а последниот меч го имаше во февруари против Ирецот Падраиг Меккрори, кој заврши со прекин во шестата рунда.
Се искачува во редовите на најдобрите борци во суперсредна категорија, а се надева дека наскоро ќе добие шанса за голема борба.
„Канело се бореше против големите удирачи и големите борци, но чувствувам дека ќе донесам нешто ново во рингот што тој се уште не го испробал или доживеал“, изјави Едгар Берланга.
