Откако утрово стигна веста дека промоторите на Филип Хрговиќ и Енди Руиз Јуниор не се договориле за условите за нивно соочување, стигна неочекуван пресврт.
Имено, промоторот на Хрговиќ Нисе Зауерланд го повлече резервниот план поради пропаднатиот договор и предложи аукција на хонорари.
Но, тоа не е според правилата на ИБФ, бидејќи се однесува на претендентите за привремениот појас. Правилата велат „ако не може да се договори борбата за привремениот шампион, не може да се одржи аукција за хонорар.
Натпреварувачите мора да се договорат за условите на борбата. Победникот во борбата за привремениот појас станува задолжителен предизвикувач на актуелниот шампион“.
Изгледа дека ИБФ може да го игнорира тоа правило во овој случај.
Оваа вест ја објави ИФЛ ТВ, која наведе дека ИБФ може да дозволи наддавање за хонорарите за тој меч.
Наддавањето ќе се одржи на 28 февруари, а 15 минути по рочиштето заинтересираните можат да ги остават своите понуди. Оној со највисока понуда ќе победи.
По овој пресврт можеби Хрговиќ ќе го добие и мечот против Руиз. Сега се останува на промотерите и понудувачите на официјалната аукција, која ќе се одржи за две недели во 18 часот.
