Освојувачот на сребрениот медал на Олимписките игри во Рио 2016 – Џо Џојс остана без титулата. Британецот го ослободи европскиот појас откако не ги исполни обврските кон организацијата и не го бранеше во последната година.
Џугернаут ја освои титулата против Даниел Дубоа во 2020 година. Подоцна забележа победа над Карлос Такам, но појасот не беше во игра на овој меч. Џојс требаше да боксира со Марко Хук за да ја задржи титулата, но одби да го направи тоа.
Како резултат на тоа, Германецот сега ќе се сретне со некои други имиња на ранг -листата на Европскиот боксерски совет. Кубрат Пулев е на шестото место на листата. „Кобрата“ не боксирал од 12 декември минатата година, кога загуби во 9 рунда во дуелот со Ентони Џошуа.
Всушност, бугарската бокс ѕвезда во професионалниот ринг се појавува како трета вистинска можност за Марко Хук. Прв на листата е Дилиен Вајт, но тој нема интерес за предметниот појас. Следува Александар Усик, кој ќе боксира со Еј Џеј за светските титули во ВБА, ВБО, ИБФ и ИБО на 25 септември. На списокот се наоѓа и Роберт Хелениус, кој ќе се соочи со Адам Ковнацки како загревачки меч за Тајсон Фјури – Дионтеј Вајлдер на 9 октомври.
Така, опциите пред Хук се севдуаат на три. Фаворит за мечот со него е Агит Кабајел, кој нема закажана борба во блиска иднина. Истото важи и за олимпискиот шампион од Рио – Тони Јока. Меѓутоа, ако двајцата не се сложат со Германецот, третата опција е Кубрат Пулев. Кобрата веќе објави дека планира средба во ноември и под добри околности може да се најде во позиција да ја врати европската круна.
