Нејт Дијаз ја имаше последната борба во УФЦ минатиот месец. Многу промоции покажаа интерес да се донесе еден од најпопуларните борци во светот, но засега сè останува само на муабети.
Дијаз не ја крие желбата да влезе во рингот и да боксира против познатиот јутјубер Џејк Пол, а се зборува и за можна борба без ракавици против Мајк Пери во БКФЦ.
А деновиве Нејт доби понуда и од професионалниот боксер Адриен Бронер кој на својот Инстаграм напиша:
„Нејт Дијаз, ако сакаш да боксираш, ќе ти дадам се што бараш“.
Во текот на кариерата Адриен Бронер извојува 34 победи, од кои 24 натпревари завршија со нокаут, а има и четири порази и едно реми.
Последната борба ја имаше во февруари 2021 година, кога со одлука го победи Џовани Сантијаго.
Две години претходно, тој загуби од филипинската легенда Мани Пакјао.
View this post on Instagram
