Со 4 златни, 3 сребрени и 4 бронзени Џудо клубот Миоки беше најуспешен клуб кај јуниорките и севкупен победник на Државното првенство за јуниори во Битола.
Наталија Динова (-52 кг), Магдалена Бојаџиска (-63 кг), Ангела Велковска (-78кг) ги освоија први места кај јуниорките, додека пак Хамза Јашари (-60 кг) го освои прво место кај јуниорите.
До финалето стигнаа и Ивана Никодиноска (-52 кг), Кристина Јазаџиќ (-63 кг) и Еди Шерифовски (-73 кг) и завршија како второпласирани, додека на трето се пласираа Берна Шерифовска (-57 кг), Христина Дескова (-63 кг), Никола Мајновски (-60 кг) и Ангел Динов (-73 кг).
„За жал, Шерифовска со поразот во втората борба заработи повреда, по која не беше во можност да го продолжи натпреварот, а ќе биде отсутна и од натпреварите кои следат во наредните 30 дена додека не заврши процесот на рехабилитација“, изјави тренерот Игор Паскоски за најдобрата џудистка во 2015 година.
Ipon.mk/В. Д.
