Се уште не е јасно кога и дали Конор Мек Грегор ќе се врати во октагонот, но тоа не му пречи да е активен на социјалните мрежи, притоа реди празнични честитки до неговите фанови со напади спрема поранешните и идни противници.
Тој не го одминуа и Флојд Мејведер, кој минатата недела изјави дека ќе се бори во УФЦ. Потоа брзо ги отфрли гласините, а Конор му се потсмеваше. Сега Ирецот повторно фати залет, велејќи дека Флојд ја преживеал нивната средба само заради правилата по кои се бореле.
https://www.instagram.com/p/BdaYD2ugR6Q/
„Ќе ти ја склоцав муцаката. Само правилата те спасија од гробот“.
Се чини дека ова ќе биде пораката што Мек Грегор ќе ја кажува и во иднина. Секој пат кога Мејведер ќе тврди дека го почитувал противникот за време на нивната бокс средба, Мек Грегор ќе потсетува дека не би преживеал и минута во кафезот, ако повторно се сретнат. И така до длабока старост … или додека Мејведер лично не се убеди во тоа.
