Марио Тошески од Џудо клубот „Сеишин“ од Прилеп во преодниот период ќе го искористи со активни тренинзи во Шведска. Тошески таму е на покана на ЏК „Норкопинг“ од Норкопинг, Шведска, каде веќе две година тренира и живее членот на Сеишин, Давид Везенкоски.
„Задоволството од стручната подготовка на Везенкоски кој во шведското џудо стана носител на многубројни медали беше причина да се воспостави и соработката меѓу двата клуба. Поради далечината и можностите за патување, нашиот клуб беше во можност да испрати само еден натпреварувач (јуниорот Марио Тошески), кој еден месец активно ќе учествува во тренажниот процес на клубот домаќин. Можно е да се појави и на еден џудо турнир, доколку правилата го дозволуваат тоа. Сеишин планира да ја продолжи соработката со овој клуб со возвратна посета на џудисти од Шведска и нивна покана на Меѓународниот традиционален турнир „Прилеп град херој-2018“ во организација на нашиот клуб во октомври“, вели тренерот Дејан Мицкоски.
Ipon.mk/В.Д.
