Македонската кендо федерација донираше еден тон вода за загрозените семејства зафатени од поплавата во Скопје.
„Средствата се собрани преку пренамена на чланарините од членовите на клубовите како и од донации на членовите на Федерацијата. Воедно, МКИФ од денес ги стави на располагање своите простории, како пункт за собирање на помош во облека, конзервирана храна, средства за лична хигиена и вода. Пунктот на МКИФ се наоѓа во населба Црниче, ОУ „Кузман Јосифовски – Питу“, на ул. Банско б.б. и ќе биде активен секој ден од 10-22 часот до петок. Федерацијата стапи во контакт со градскиот Црвен крст и согласно можностите ги стави на располагање просториите како и нејзините членови да учествуваат како волонтери во активностите на Црвениот крст“, истакнува во претседателот на КИФМ, д-р Златко Кесковски.
Ipon.mk/В.Д.
