Заврши настапот за првиот од тројцата македонци на Светското првенство во борење во слободен стил во Ташкент. Во категоријата до 125 килограми, Бобан Данов загуби во осминафиналето и тоа со технички туш (10-0) од Чулунбат Јаргалсахјан од Монголија. Веќе во следната борба Монголецот загуби, па Данов немаше право на репасаж.
Претходно, во квалификациската рунда, македонскиот борач беше подобар од Летонецот Димитријс Михаловс со 6-0. Утре на душекот ќе излезат Јасин Реџалари, во катергоријата до 61 килограм и Дејан Митров до 65 килограми.
