Од таборот на Фјури посочуваат дека се се одвива според планот и мечот за апсолутниот светски шампион во тешка категорија меѓу Џипси Кинг и Aлександaр Усик треба да се одр\i на 29 април на Вембли.
Усик на тој мече на маса го става шампионските појаси на ВБА, ВБО и ИБФ, откако двапати го совлада Ентони Џошуа.
А Фјури веќе три години е сопственик на титулата во ВБЦ. Британецот ја освои титулата против Дионтеј Вајлдер, а подоцна ја одбрани уште три пати (Вајлдер, Вајт и Чисора).
Иако мечот се уште не е официјално договорен, некои веќе почнаа да ја прогнозираат и анализираат една од најголемите борби во историјата на боксот. Еве некои од нив…
Мајк Тајсон:
„Тајсон Фјури повторно и повторно докажува дека е најдобар. Ги почитувам Вајлдер, Усик – но најмногу го почитувам Фјури. Тој е шампион и владетел во тешка категорија. И сам ќе одлучи колку долго сака да биде шампион“, вели Тајсон Фјури.
Карл Фроч:
„ Мислам дека Фјури против Усик е одлична борба. Кратко и слатко, мислам дека Фјури е преголем за него.
Усик на почетокот ќе биде паметен, но во некоја фаза Фјури ќе се затвори кон него, ќе се потпре на него, ќе го малтретира и ќе почне да го удира. Неговите аперкати ќе паднат исто како и против Дилиен Вајт, а тогаш ќе ја заврши борбата. Едноставно, премногу е голем и премногу е добар. Фјури ќе го нокаутира Усик“.
Хасим Рахман:
„Усик ќе победи. Мислам дека Усик е најдобриот тешкаш во моментов. Мислам дека Фјури го имитира Усик и имаше многу успех правејќи го тоа – се бори против напорни и бавни тешкаши. Сè што Фјури може да направи во боксот, Усик може подобро.
Тони Белју:
„Отсекогаш сум мислел дека Фјури е преголем за Усик, но колку повеќе се приближуваме до мечот, толку повеќе шанси му давам на Александар. Мислам дека Усик е единствениот кој може да го победи.
Стилот на Фјури значително еволуираше откако се поврза со Шугар Хил. Повеќе не е борец со пердуви. Има тешки раце и е одлично удира контри. Тоа е една од најдобрите трансформации што сум ги видел кај борец…
Отсекогаш мислев дека е тежок тешкаш за борба. Се уште е опасен боксер, огромен, но и несмасен“.
Даниел Дубоа:
„Усик е добар борец и многу лукав. Но, чувствувам дека Фјури има искуство и веќе се докажа како најдобар“.
Дејвид Прајс:
„Она што Тајсон Фјури го прави подобро од кој било друг е да ја користи својата големина. Ова е една од неговите најголеми предности. Го надмина Дерек Чисора.
Тој е стручњак како да биде голем човек, ќе го проба тоа против Усик. Веројатно ќе го притиснеи и помалку ќе се бори валкано. На крајот Фјури ќе победи на поени“.
Џорџ Гроувс:
„Јас сум голем фан на Усик. Не знам дали е доволно голем за да го предизвика Фјури, ако добро се подготви.
Но, кога станува збор за способноста, Усик е најдобриот тешкаш во светот. Едноставно, ќе го изберам Усик, верувам дека ќе го победи Фјури“.
Џони Нелсон:
„Ќе победи Тајсон Фјури, Преголем е, пресилен и премногу паметен – во рингот и надвор од него.
Усик нема ни да знае што го погодило ако се изгуби во умствените игри на Фјури. За двајцата ќе биде многу важно психички добро да се подготват за борбата.
Фјури се покажа како вистински и голем борец. Значи, Усик е тој што треба да се докаже сега. Затоа што без разлика колку е голем Фјури, тој мора да го натера да се повлече. И тоа ќе биде многу тешко“.
