Откако во претходната борба со поразот од Марк Хант ја прекина низата од шест победи, Дерик Луис (19-5-1, 10-3 УФЦ) се врати на вистинскиот пат.
33-годишниот Америкаец во Остин издржа повеќе моменти на грбот во мечот со бившиот М-1 шампион Марчин Тибура (16-4, 3-3 УФЦ) и го нокаутира Полјакот во третата рунда.
https://www.youtube.com/watch?v=cTlSoCjYbs4
Во главната борба на вечерта Доналд Кероне (33-10, 20-7 УФЦ) за две секунди пред крајот на првата рунда го нокаутира Јанси Медеирос (15-5, УФЦ 6-5) и ја прекина низата од три порази. Тоа му беше 20 победа во УФЦ, со што го изедначи рекордот на Мајкл Биспинг и Жорж Сент Пјер за најголем број на победи во најмоќната светска промоција на ММА. Медеирос отиде во борба со „Каубојот“ со три последователни победи.
Џејмс Вик со едногласна одлука славеше против Франциско Триналдо и влезе во четвртиот последователен успех, а Кертис Милендер (15-3, 1-0 УФЦ) во дебито со одлична колено во втората рунда го нокаутира ветеранот Тијаго Алвес (22-12, 14-9 УФЦ), кој загуби три од последните четири натпревари.
Сејџ Норткат (10-2, 5-2 УФЦ) дојде до петата победа во УФЦ совладувајќи го Французинот Тибо Гути со едногласна одлука (12-4, 1-4 УФЦ).
УФЦ Фајт најт 126:
Доналд Кероне – Јанси Медеирос (ТКО, Р1)
Дерик Луис – Марчин Тибура (КО, Р3)
Џејмс Вик – Франциско Триналдо (едногласна одлука, 29-28, 29-28, 29-28)
Кертис Мелиндер – Тијаго Алвес (КО, Р2)
Брендон Дејвис – Стивен Петерсон (едногласна одлука 30-27, 29-28, 30-26)
Сејџ Норткат – Тибо Гути (едногласна одлука 29-28, 29-28, 29-28)
Диего Фереира – Џаред Гордон (КО, Р1)
Нилски – Брајан Камоци (сабмишн, давење од позади, Р1)
Роберто Санчез – Џоби Санчез (сабмишн, давење од позади, Р1)
Луси Пудилова – Сара Морас (едногласна одлука 29-28, 29-28, 29-27)
Алекс Мороно – Џош Буркман (сабмишн, гилотина, Р1)
Оскар Пичота – Тим Вилијамс (ТКО, Р1)
