Лобов го победи Малигнаџи со сомнителна одлука на судиите (ВИДЕО)

Поранешниот светски боксерски шампион Поли Малигнаџи и ММА борецот Артем Лобов се бореа во главната борба на Бер накел ФЦ 6 во Тампа.

Поранешниот борец на УФЦ го победи Малигнаџи со едногласна одлука на судиите – 48-47, 48-47, 48-47.

Станува збор за сомнителна одлука, бидејќи победата во овој прилично слаб меч можеби требаше да оди на другата страна.

Првиот удар го зададе Лобов со десно кроше. Ирецот бара борба од блиску, а Малигнаџи го напаѓа телото со директи и го проценува противникот.

„Рускиот чекан“ погаѓа во телото на почетокот на втората рунда. Потоа се размавнува, а тоа Малигнаџи го казнува со прецизен преден директ. 38-годишниот Американец повторно го напаѓа во телото, а 40 секунди пред крајот погаѓа со силен заден десен директ.

Малигнаџи во третата рунда почнува се почесто да погаѓа со преден директ, што се виде на лицето на Ирецот. Лобов често промашуваше со широки крошеа, но успеа да постигне добар заден директ.

Лобов во четвртата влезе свесен дека губи и беше поагресивен, но на почетокот прими неколку удари. Потоа бара клинч и борба од блиску.

Во последниот рунда Лобов бара борба, а Малигнаџи ја избегнува акцијата.

Малигнаџи последен пат боксираше во април 2017 година кога го загуби нокаутот од Сем Егингтон.

На настанот во Тампа боксираа уште неколку други поранешни борци на УФЦ.

Крис Лебен загуби со едногласна одлука од Дакота Кочрен.

Џои Белтран во втората рунда го нокаутира Џејми Кембел.

Во Флорида настапи уште еден ММА ветеран. Џо Ригс, кој е непоразен во боксот без ракавици, ремизираше со Валбер Баросо во мечот во кој се најде на подот.

https://www.youtube.com/watch?v=klj5Uppt2iE
ПОВРЗАНИ ВЕСТИ

ПОПУЛАРНО