Легендите на Прајд: Кро Кап се сети на средбата со Федор на настан во Јапонија

Без оглед на тоа како ќе заврши мечот, тоа ќе биде мојата последна борба – изјави Федор Емелијаненко во пресрет на неговиот последен професионален настап во октагонот викендов на настанот Белатор 290 во Инглвуд.

Имено, руската боречка легенда ќе се обиде да го освои шампионскиот појас во тешка категорија на Белатор во реваншот против Рајан Бадер.

Емелијаненко (40-6, 1 НЦ) загуби од Бадер (30-7, 1 НЦ) со нокаут за само 35 секунди во јануари 2019 година.

Големиот момент за Федор не остана незабележан од најголемиот хрватски борец Мирко Филиповиќ. Во својата приказна на Инстаграм, Кро Кап објави видео од неговата средба со Федор Емелијаненко на настанот на Прајд во Јапонија.

 

View this post on Instagram

 

A post shared by Pride Fc (@pride_fc1)

Нивната средба се одржа во пресрет на бробата на Кро Кап против братот на Федор, Александар Емелијаненко.

Во август 2004 година хрватската легенда на боречките вештини го нокаутира својот противник со фантастичен удар. Следната година, Федор го победи Мирко со едногласна одлука на судиите.

ПОВРЗАНИ ВЕСТИ

ПОПУЛАРНО