Конор Бен го предизвика Илија Топурија на боксерски меч
Британскиот боксер Конор Бен преку социјалните мрежи го предизвика шампионот на УФЦ во лесна категорија, Илија Топурија. Тој предложи боксерски меч, но отфрли ММА борба.
„Со голи раце или ракавици, ќе те победам во бокс, но во ММА, заборави“, рече Бен.
Топурија, непоразен со скор од 17 победи и 0 порази, е познат како еден од најдобрите боксери во УФЦ. Во јуни на УФЦ 317 го нокаутира поранешниот шампион Чарлс Оливеира. Прашањето е дали тој, како Конор Мек Грегор пред него, ќе се префрли на бокс.
Бен, со прекар „Уништувачот“, моментално се подготвува за реваншот во неомеври против Крис Јубенк Јуниор. Нивниот прв меч во април од многу фанови веќе беше наречен борба на деценијата. Во меѓувреме, Бен вербално ги напаѓаше борците на MMA, предизвикувајќи го Топурија и „секој друг борец на УФЦ“ на боксерски меч.
Предизвикот на Бен повторно го истакнува огромниот јаз во приходите меѓу врвните боксери и борците на УФЦ. Додека боксот генерира милиони, приходите на УФЦ заостануваат. Мек Грегор заработи деветцифрена сума за неговата борба со Флојд Мејведер, но честопати добивал само седумцифрена сума за врвните борби на УФЦ.
Оваа разлика доведе до бројни тужби против УФЦ. Поранешни борци ја обвинија организацијата за нефер маркетиншки практики и недоволно плаќање. Една голема тужба е решена, со 375 милиони долари поделени меѓу околу 1.200 борци, веројатно вклучувајќи го и Мек Грегор.
Но, оваа година се во тек и нови групни тужби.
View this post on Instagram
