Катереина Ацевска ќе не претставува на Европско џиу џицу првенство за сениори во Загреб, Хрватска, кое почнува денес и трае до недела.
На ЕП учествуваат 361 натпреварувач од 28 држави.
Катерина е најмлада во својата категорија со 19 години и излегува на борби со далеку постари борци. Најстарата во нејзината категорија има 35 години.
Во првата борба ќе ги одмери силите со Германка која е 3-та на светска ранг-листа, а втора борба е со Хрватка, 2-ра на ранг листа, и е слободна во првото коло.
Катерина оваа година на Европското првенство во Франција за јуниори и У-21 ги освои 3-тото место и бронзениот медал.
„И следната година, цела 2024-та Катерина е јуниор. Повторно ќе се бори и во јуниорска и во сениорска конкуренција. Ова Европско првенство е одлична можност за стекнување на големо искуство преку борби со далеку постари и поискусни борци“, вели селекторот и нејзин тренер Александар Ацевски.
