Американецот Габриел Росадо сигурно ќе се сети на освојувањето на титулата американски континентален ВБА првак и слободниот меѓународен појас на ВБО во супер средна категорија.
35-годишниот боксер го доби мечот против фаворитот Бектемир Меликузиев од Узбекистан, кој го претрпе првиот пораз во профи рингот.
Росадо не само што победи, туку и го направи тоа со еден од најжестоките нокаути во годината и во последно време. Сè заврши за Узбекистанецот во третата рунда, кога агресивниот Меликузиев беше пречекан со десен контраудар точно во брадата.
GABE ROSADO WITH THE KO OUT OF NOWHERE 🤯 pic.twitter.com/mOEAP2SChG
— DAZN Boxing (@DAZNBoxing) June 19, 2021
Обратниот гард на Узбекистанецот не претставуваше голем проблем за Росадо, кој го одбра вистинскиот момент и го казни нискиот гардр на противникот. Чистиот и солиден удар веднаш го сруши Бектемир на подот, а публиката во Ел Пасо избувна со извици и аплаузи за американскиот херој.
Триумфот на Росадо е уште посладок, со оглед на нокдаунот во кој беше испратен во првата рунда.
BEK THE BULLY DROPS ROSADO IN ROUND 1. 😱 pic.twitter.com/wE9ZL01D6q
— DAZN Boxing (@DAZNBoxing) June 19, 2021
