Јураја Хол објави дека ја завршува кариерата во ММА.
38-годишната американска ѕвезда одлуката ја објави на социјалните мрежи. Хол е финалист на Ултимејт фајтер и има победи над некои од најдобрите борци во средна категорија во историјата на спортот. Меѓу нив се имиња како: Андерсон Силва, Крис Вајдман и Гегард Мусаси.
„Со голема тага ќе се повлечам од најголемиот спорт на светот. Ќе ми недостигаат неверојатниот персонал на УФЦ кој ми стана како семејство и менторите што ги запознав на патот“.
УФЦ ми даде најдобра можност целосно да излезам надвор од мојата комфорна зона. Низ годините се соочив со некои од најдобрите во светот на највисоко ниво.
Иако не стигнав до ранг на светски шампион, ги постигнав некои од моите најголеми достигнувања во ММА. Еден од нив беше дека се соочив со моите стравови и станав шампион на животот.
Сакам да упатам посебна благодарност до Дана Вајт што ми даде можност да се соочам со модерните гладијатори. Ви благодарам што секогаш ме поддржувавте во добро и во лошо.
Сакам да му се заблагодарам на мојот тим, на моите тренери, на моите пријатели и на моето семејство кои секогаш стојат покрај мене. Сите вие бевте движечката сила што секојдневно ме охрабруваше “, напиша Хол.
Хол реши да ја прекине својата серија од 2 порази по поразите од Шон Стрикленд и Андре Муниз. Во кариерата забележа 17 победи и 11 порази.
