Израел Адесања и Џон Џонс ќе почнат да тренираат заедно.
Адесања ја сподели веста на неговиот Јутјуб канал. Претходно овој месец Адесања и Џонс беа видени во Лас Вегас. Беа доста пријателски расположени еден со друг и учествуваа во разигран спаринг. Ова беше доста интересно бидејќи двајцата долго време се навредуваа и се закануваа.
Израел го предизвикуваше Џонс, кој исто така беше подготвен да се бори против него. Ова доведе до расправија која очигледно беше само на социјалните мрежи. Џон Џонс моментално се подготвува да ја одбрани титулата во тешка категорија против Стипе Миочиќ.
Нивната борба ќе се одржи во ноември во Њујорк. Адесања, пак, ќе почне да се подготвува за борба со Дрикус ду Плесис. Двајцата се уште немаат закажан датум за борба. Нивната борба најверојатно ќе се одржи во септември во Австралија.
